إهداء إلى سيدي ولي العهد صاحب السمو الملكي الأمير محمد بن سلمان – حفظه الله – :
يا محمد يا ولي العهد يا ذخر الأكابر
قبل جَدّك ثم عمانك وهذا عهد أبوك
كل شعب المملكة يمناك وبجنبك عساكر
ما يزعزعها مواشي ولا فيها الشكوك
القيادة للزعيم اللي يزلزل كل كافر
اطحن الأعداء وهدد أنت من نسل الملوك
والله إنّا ما نحيد ولا نعيد ولا نخابر
أعلن التجنيد للشبان يحفظ لك أبوك
في يمينك من جميع المملكة حنا الكواسر
ما نهاب الموت دون بلادنا سَدَّ وصكوك
خرجت الأقزام والأوهام عِلَّيت للمنابر
تشمت فـ اسيادها اللي تعلكها العلوك
ما علينا من نباح الكلب لو باقي يعاشر
بس ما يقدر يمد يديه يلمس للشبوك
ذا سلوك إيران والأتراك وأذنابٍ تنافر
ذي خفافيش الظلام اللي تعلق فـ الشروك
من يصادقنا نصادق ذي فعايلنا نواير
ومن يعادينا نلقنه الدروس الي تحوك
من بحر جده ليا شط الخبرعيني تناظر
ومن بلاد العز في جازان لا مدخل تبوك
يالله إنه من أراد بلادنا بسلاح عابر
جعل تدبيره مدمر له وحبكه له حبوك
رفرفي راية بلادي شامخة فـ أعلى المنابر
الحسود يموت والحاسد يلقم غصن شوك
••••••••••••••••••••••••••••
عبدالمحسن عبد الرحيم الشيخ