الاستاذ بدر سالم الشيخ يكتب قصيدة 🔽
رثاء في المرحوم “عادل فهيد الشيخ” والمرحوم “عمر خليفة الشيخ”
الله أكبر يا مقادير الأزمان
ما أحد ٍ درى في دورها وش يصيري
نمشي في دنيا مالها حد ميزان
متقلبه ما بين يسر وعسيري
أمس القريب الكل داله وفرحان
يوماً لفانا العيد كلًا يسيري
يعايد على أهله وربعه وصدقان
وكلًا ينام وشوف عينه قريري
وفجأة تغير حالها كان ما كان
في ظرف ساعاتً ووقت قصيري
شالت علينا اثنين أعز الإخوان
غابوا ودمع العين سيله غزيري
حزنً تفجر داخل القلب بركان
وحزنت قلوب الكل حتى الصغيري
عمر بموته شب بالقلب نيران
وعادل بموته زاد ناري سعيري
ولا أقدر أخفي دمعة الحزن لاتبان
ولا أقدر أصبر قلب جرحه كبيري
الله من وقتً تردى ولا زان
وسود الليالي جرحتنا كثيري
إن جيت أعالج ما حصلي بنسيان
والليا إنها الذكرى معي ما تديري
في كل فرض أدعي لهم رب رحمان
أدعي لهم ربي بلطفه يجيري
وفي جنته يبني لهم دوم مسكان
ويجبر عزانا في الزمان المريري
************************
بدر سالم الشيخ