ماشانت وجيهنا لو شان وجه الزمان
وجيهنا طيبه ، وعلومنا طيبه
**********************
واللي يقدم عشر ماهو بقابل ثمان
الناقصه عيب للوافين ومعيبه
**********************
ياصاحبي والمواقف للرجال امتحان
ومن المواقيف روس اصحابك مشيبه
**********************
لكن بعض الهقاوي ماعليها ضمان
بالهرج يابعدها والواقع قريبه
**********************
اخذ من الوقت درس وفالمجالس مكان
واخذ من المزن عبره لأنتثر صيبه
**********************
كم واحدٍ كان يكسبها عيانٍ بيان
اقفى وقفت ركابه والزمن غيبه
**********************
العمر رحله وطيب الرجل صمام امان
واللي يحييك بعلوم الوفاء حيبه
**********************
الشاعر محمد الدميحي
@aldomahi