غران منصوره ولها المجد مدلول
وتواكبه في كل علم (ن) ثميني
*****
غران لاقالت على قد ماتقول
قول وفعل من يوم ذيك السنيني
*****
غران تاريخ (ن) مسجل على طول
سابق ولاحق للعلا معتليني
*****
فيها الرجال اللي كما السيف مسلول
تدرق صروف الوقت والمعتديني
*****
وفيها الرجال اللي على ميز معقول
في سلم واللا حرب دايم يميني
*****
ارجال عرف وحبلنا دوم موصول
دايم على عد الرها مرتويني
*****
اليا وصلنا الماد في أول وصول
وأهل الفكر دايم لنا امأيديني
*****
إن كان قلنا العلم بالعلم ونطول
أعلى شهاداته ومتميزيني
*****
وإن كان قلنا الصوت فالصوت مأهول
وأهل الثقة فرجالنا واثقيني
*****
مبروك يامحمد لك الفوز مأمول
ساعة كتبت الاسم متوقعيني
*****
وانت يابن رايد لك العز مجمول
مبروك هذا الفوز وموفقيني
*****
في ظل دولتنا على عز وأصول
على كتاب الله على خير ديني
*****
ودون الوطن بارواحنا قول وفعول
مانرخصه ونكيد للطامعيني
*****
عهد (ن) علينا وكلنا عنه مسؤول
نخدم وطنا وللوطن مخلصيني
*****
وصلوا على خير البشر خير مرسول
عد الشجر واعداد زهر (ن) يفيني