نبدأ بذكر اللي خلقنا من عدم خير إمعبود
وصلوا على خير الورى اللي كل طاله نالها
*****
ياهاجسي مالك عذر في مدح وافين العهود
إختار في زين القوافي وإبتدي بجزالها
*****
فازوا بها خالد وصالح يا عساهم فالوجود
ماخاب منهو رشح رجالٍ تعد أفعالها
*****
الأوله من حظنا والعود في عين الحسود
الحرشني نعم الإسم والطايله يرقالها
*****
معرب الجدان راع الطيب فالماقف يزود
فيه الهقاوي ماتخيب وكل رَجل قالها
*****
مبروك يا كسابه النوماس من ماضي العهود
وأهل المقامات الرفيعه عالي منزالها
*****
بيت الوفا معمور ثابت والفعول أكبر شهود
ياحي راس الحرشني عزوه كرام سبالها
*****
الأوله من قسمكم والبيض ماتخلط بسود
أنتم لها والخيل فالميدان من خيالها
*****
والله يعز اللي مواقيفه كما قدح الزنود
قاد المسيره والمسيره زين الله فالها
*****
هذاك أبو صالح مبارك من عريبين الجدود
له وقفتن ماتنجهل والمصعبه حلالها
*****
والحمد لك ياخالق الإنسان حمد بلا حدود
وربوعكم وأصحابكم يالله تجمل حالها
*****
ويالله تعز المملكه والشعب في حكم السعود
والله يديم الشجره اللي كلنا في ظلالها
صبحي بن عويتق المعبدي