إشارة الموت المحقق تراها
عند السلام وقبل مدخالك الدف
*****
ياكم راحوا من ضحايا فرحاها
واللي تنوبه يصفق الكف بالكف
*****
فاقد عزيز وطلته مانساها
القلب يشكي والمدامع تذررف
*****
الام تبكي والبكاء ماكفاها
سنين تبكي دمعة العين ماتجف
*****
وهذا أبو والنار يكوي صلاها
كل مايمرك يالاشارة تحسف
*****
والأخ يشكي فقدته من سواها
حتى الصديق وونته ماتوقف
*****
مأساه عمت في خليص وقراها
مدري متى هذه المصيبة تذلف
*****
نادوا المرور وقولوا وشهو دواها
قدام ماتلحق دمانا وتنزف
*****
لازم تقفل بين ليله وضحاها
ويحط لفة من بعدها إلى الخلف
*****
واللا تركب كميرا في ملتقاها
عشان ترصد من قطعها وتخلف
*****
لجل العقوبة توعي اللى وراها
إن كان مايحسب حسابه يخفف
*****
شبابنا فيكم هقاوي وحراها
والكل منكم في لزومه مكلف
*****
حذرا من السرعة خطيرة مداها
ماتفرق الميصال لوكان تعرف
*****
واحذر من الجوال ياكم رفاها
أرواح تقرأ وتكتب الحرف بالحرف
*****
اتبع تعاليم المرور وسراها
عليك بنظامه قبل لاتصلف
*****
وفالخاتمة نادوا المرور ودواها
قدام ماتلحق دمانا وتنزف
بسام عبدالرزاق الصحفي