يا هجوسٍ تمر القلب مرّة ومرّه
بين ليل ونهار وبين ساعة وساعه
********
ما تأثر صميم القلب مقدار ذرّه
لو جيشِك عرمرم فالعدد والبراعه
********
ربي اللي وقاه من التعب والمضرّه
عند ربي وداعه ما تضيع الوداعه
********
لو وقت الفتى ما بين حلوه ومرّه
اعتماده على الخلاق طِبْ ومناعه
********
طبع الايام يا مخلوق حزن ومسرّه
ثوبها فيه ورد وفيه شوك الشكاعة
********
قبل ما تلبسه عاين جنوبه وزرّه
واحذر الشوك ولاّ الورد كله طماعه
********
لايجي لك على ميراد الأشواك جرّه
كل جره باثرها ذنب وان كان طاعه
********
و لا تسوق المطية مع دروب المغرّه
توقفك فالخلى بين السهل والرفاعه
********
وان تعلى طموحك فوق حبل المجرّه
احمد الله ولا تجهل بيوم الشفاعه
********
كل شيٍّ مسجل لو مثقال ذرّة
والحياةْ الكريمه فالرضا والقناعة
********
أبو مفلح/ حامد جابر السلمي
جدة في ١٣/ ٩/ ١٤٤٤هـ