وش فيك ياقلبي من الضيق مغبون
مافيه شيٍ يستحق الغبينه
********
معروف عندي واغلب الناس يدرون
مافيك حسد ولا تشيل الضغينه
********
وانا ادري انك ضايقٍ من هذا الكون
كنك بوسط الموج مثل السفينه
********
وان كان ضيقك من وكالة يقولون
الصدق بينّ للقلوب الفطينه
********
غيرك ترى هرج القفى منه يشكون
وخلا قلوب الناس دايم حزينه
********
بعض البشر يمشي على غير قانون
من الحسد ياشين طبعه وشينه
********
صار يتلون كل يومٍ على لون
مايدري انه لو سكت خابرينه
********
ويالله ياللي لك عبادك يصلون
انك تجير القلب وانك تعينه
********
سلطان بن بجاد