الشاعر “دخيل الغانمي” يجسد أمانة عيسى العقبي و وفاء نويجي الشيخ شعراً ، حيث قال في قصيدته :
البارحه والليل في مظهره غير
من صفوته فيه الوفا سامر الجود
••••••
أحيوه روس القوم نسل المناعير
برَد الثنى للي فعل فعل محمود
••••••
رجال صان الطيب والفضل والخير
وصان الأمانه يوم ماحوله شهود
••••••
عيسى حفظ عهد الأمانه بتقدير
يالين عاد المال كامل ومعدود
••••••
عيسى من رجالٍ كرامٍ مشاهير
صبوح دايم للوفا تحفظ عهود
••••••
وخواله اللي تحرر القن تحرير
آلاد غانم تكسب النعم وتزود
••••••
والبارحه ضاف الرجال المسافير
اللي لميراد الوفا تبذل جهود
••••••
وصلوا فـ درب المجد قبل الطوابير
والجود فيهم ماتحصل له حدود
••••••
شيوخ ذخر شيوخ طالة وتوقير
تاريخهم ثابت ومعلن ومشهود
••••••
مثّلهم نويجي وساق التباشير
كرّم ووفى والفهد يكرم فهود
••••••
وأبو سعد شارك بطيب التعابير
وأهداه سيف ومصحف وعاطر العود
••••••
هذي فعول أهل الوجيه المناوير
من يمهم يلقى هل الطيب مردود
••••••
ويالله يا مكوّر لنا الشمس تكوير
تحفظ رجال الجود يارب معبود
••••• •••• •••••••• ••••••• •••••• •••••• ••••••
دخيل الغانمي