نحمدك يا عالم عن السر والجهر
يا مـجـري الأحـداث لأمـرن تريده
يا ربنا نـرجـيـك فـالعـفـو والـسـتـر
وتحفظ بلدنا من النفوس الحسيده
سراب الحراك اللي ظهر فالتويتر
حــراك يـجـري فـالقلوب الحقيده
فصدورها يبقى وتـدخل به القبر
لـو كـان مـا تـابـت ومـاتت عنيده
أهل المهايط باعت النفس والفكر
ترسل رســايل مــن الديار البعيده
ما شي لهم سامع من البحر والبر
مـن هـو بـيـسـمـع للعقول البليده
ذي دولة التوحيد من سابق العصر
باني الـمـؤسـس ساسها بالعقيده
والـيـوم بـايـع شـعـبـهـا والي الأمر
أبـو فـهـد والـنـعـم بـمن هو حفيده
كم عامل الحوثي بحكمه مع الصبر
لـكـن عـــبـد إيــران عـيـا يـــفــيــده
مــا فـاده إلا النار يـلـهـب بها الجمر
خـلـت عبـيد الفرس قتلى وشريده
يا الـقـط الأجـرب لا تحدى مع النمر
مـعـروف زاد الهـر ومـعـروف صـيده
شـعـب وقيادة دينها الـشرع الأطهر
تـنـعم بـعـون الله بـعـيـشـة سعيده
وعــدة خـلايـق ضـمـهـا البر والبحر
صـلّوا على مـحـمـد صـلاتن عديده
عبدالرحيم الصحفي