يا سيدي سلمان عن غيركم فرق
شعبك معك وأنت تقود المسيرة
أفعالكم يشهد لها الغرب والشرق
عون الصديق وللمعادي ذخيرة
على العدا ترسل عليهم كما البرق
بعون ربي ما عليكم عسيرة
المملكة بنيت على الدين والحق
ما همها حوثي ولا هم غيره
من هو مشى مع خالقه مشية الصدق
يعطيه ربي فالعمل كل خيرة
الدين ساس الحق له نور مشرق
وسيرة محمد عندنا خير سيرة
السنة السنة هي منهج الخلق
الله جعلها في عباده منيرة
ومن يبتعد عنها عن الحق مشتق
ما هو عمى فعيون، أعمى بصيرة
لا شك غاوي ما لهم أي منطق
حتى مجالسته للأمة ضريرة
لو كان فكر بالعقل حصّل الفرق
كف الخطا عن مزلقاتٍ خطيرة
اخذ الأمور بعقل والروح بالرفق
والله معاه ومن خطاهم يجيره
راع المراكب للشواطي يوفق
يعبر بها وسط البحور الغزيرة
يا مسعد اللي في حياته ترفق
لا حار عقله مصحفه مستشيره
هذا الكلام ونصر ربي محقق
وأيامنا يا أهل المكر مستديرة
خليفة المزروعي