قمت انا أفكر لحالي واتوسع فالخيال
وأتذكر في زمان فات كيف استرجعه
******
املك القصر الكبير ويسكنه عشرة عيال
واركب الرايز مظلل والخدم بتلمعه
******
فالدول ليه قصور فالسهول وفالجبال
ولي بنوك سويسرا ولي عمائر مطمعه
******
ولي حشم سدي ودوني ولي جوار(ن)بالحلال
وكل ماشي(ن) بغيته أجمعه في ساعته
******
فقت من حلم غفوته ثم فقت من الخيال
قلت ياربي رجيتك.. من خيال المطمعه
******
العفو ..لا تصدقوني ذاك ضرب من الخيال
لوعطوني ماااال كسرى ﻻزم اني انفقه
******
قالت الدنيا علامك انت ضاربك الهبال
تطلب المال الكثير اللي في بنك سويسره
******
تدري ان اللي بها الدنيا مصيره للزوال
شي عند الله يبغى وانت ماتستوووعبه
******
أوعد الله المتقين المنفقين من الحلال
الآجر يأتي ويتضاعف ربي ربي يشكره
******
أنفق المال البسيط باليمن وهالشمال
لو درت يدك الشمال اللي نفق تسترجعه
******
صوم شهرك صلى خمسك والتفت لام العيال
نام لا تظلم صغير وكل شيء في موعده
******
بدل السيئة بحسنة وسنبلة سبعين قال
ثم ضاعف فالحسانا و عند ربك موودعه
******
افتكر قول الحبيب خير خلق الله و قال
كل هاالدنيا زوال و شبهه ظل شجره
******
نعرف ان الناس ما تعمر وهذا شي محال
ان عمروا ستين أو سبعين ……لازم نودعه
******
بعدها يحمل على الأكتاف من دار الزوال
ثم يدفنه الحبيب …اللي حشاته توجعه
******
يرجع اللي وصلوه ويستمع قرع النعال
يقعد لحاله هو وحيد وينتبه في مضجعه
******
جوه في قبره ثنين يسألونه يا بلال
من ربك من نبيك وايش دينن تتبعه
******
بعدها شي (ن) كثير ليت يا سعني المجال
واذكره للي حريص وله قليب مطاوعه
******
العمل يبقى خويك يابطل ياابن الحلال
خير لن قدمت خير…. ولا نار مولعه
******
يالله انا طايعينك فالدقاقه و الجلال
اغفر الزلات ياربي ..دعائي تسمعه