الله أكبر لا اعتراضٍ لحكمه فالانام
ما لخلقه فالمقادير غير اللي يبي
*******
راضيٍ باللي عطانيه من مال ومقام
و بـ اسمي ووجهي ولوني وبـ ارضي وانسبي
*******
ما تعودت اندب الحظ وابكي فالظلام
لو يضيع مْع المخاليق جهدي واتعبي
*******
ما معي لأيامي الفايتة.. غير السلام
وما معي لأيامي المقبلة.. غير ارحبي
*******
ولا تشابه في عيوني حلالٍ مع حرام
اشهد ان ابليس كذاب ومحمد نبي
*******
اتضايق كل ما شفت مطنوخٍ.. يضام
واتبسّم كل ما شفت رجّالٍ غبي
********
انت يا اللي رافعٍ خشمك لحد الغمام
وش تبي واللي مطيّشك مدحه وش يبي ؟
********
لا يغرونك بالامداح .. فاضين الكلام
دايم ام القرد تحسب صغيّرها ظبي
********
جمال بندر