صحيح من قال الليالي مداويل
ولا فيه ليل الا يجي له صبـاحي
********
بين المواقف يظهرون الرياجيل
منها ثلاث ارباع الاجـواد طـاحي
********
وان مالت قلوب الرياجيل ماميل
اعلنت في وجه الليـالي كفـاحي
********
انا خويي من نوادر هل الجيل
طيرن نعـده من طيــور الفٰـلاحي
********
وحنَّا عن الصحـبه ندوس المكابيل
ونذري عن الرفقـه هبوب الرياحي
********
رفقـة وفاء ماهيب رفقـة مباهيـل
فالضيق ولَّا في جميع النواحي
********
اللهً ولاخوة هل القال والقيل
صكَّيت باب مروَّجين التـلاحي
********
واغلي جناب الطيبَّين المشَاگيل
حلوين الألسن والضماير صحاحي
********
افرح بجمعاهم بكل التفاصيل
اهل المراجل مبعدين الشباحي
********
وأروح في قفـرٍ درج فوقه السيل
همَّي ليا جـيته عن الصـدر زاحي
********
واشوف لي صفـرٍ تـلاد ومخـاليل
في خـايعٍ منوت كثير اللقـاحي
********
جزل الفرايد